Arabia Saudite dëbon atasheun ushtarak të Iranit
Arabia Saudite i ka urdhëruar atasheut ushtarak të Iranit, atasheut ndihmës ushtarak dhe tre anëtarëve të stafit të ambasadës të largohen nga vendi brenda 24 orëve.
Siç raporton CNN, Ministria e Jashtme saudite ka thënë se sulmet e vazhdueshme të Iranit përbënin “shkelje flagrante” të konventave ndërkombëtare dhe binin ndesh me “parimet e vëllazërisë islamike”.
Gjithashtu paralajmëroi kundër përshkallëzimit të mëtejshëm.
“Mbretëria e Arabisë Saudite ka njoftuar atasheun ushtarak të Ambasadës së Republikës Islamike të Iranit në Mbretëri, atasheun ndihmës ushtarak dhe tre anëtarë të stafit të misionit që të largohen nga Mbretëria”, tha ajo, duke shtuar se i ka shpallur ata “persona non grata”, që do të thotë se ata nuk janë më të mirëpritur nga vendi pritës.
Disa orë pas njoftimit, ministria saudite e mbrojtjes tha se zbuloi tre raketa balistike të qëlluara drejt kryeqytetit të Riadit.
Në ndërkohë, Presidenti amerikan, Donald Trump, i ka dhënë 48 orë afat Iranit që “të hapë plotësisht” Ngushticën e rëndësishme të Hormuzit, ose në të kundërtën do të “shkatërrojë” termocentralet e Iranit, një përshkallëzim i madh në luftën që tashmë kërcënon që të dalë jashtë kontrollit.
Këtë afat, Trump e vendosi në orën 19:44, me kohën lokale të Uashingtonit, kur shkroi në Truth Social më 21 mars.
