Anëtarë të Trupës së Baletit të Kosovës kujtojnë e nderojnë me homazhe, ish-drejtorin – Ahmet Brahimaj
Sot në tre vjetorin e ikjes nga kjo botë, e kujtojmë me respekt e nderim, njeriun që rilindi baletin në vendin tonë, Maestron Ahmet Brahimaj.
“Tash e tre vite, profesor Ahmeti na mungon fizikisht, familjes së tij dhe familjes së tij “të dytë”, siç e thoshte ai, Baletit Kombëtar të Kosovës, por ai vazhdon të jetë i pranishëm në mendjet dhe zemrat tona. Shteti ynë, mbeshtetjen ndaj Baletit Kombëtar të Kosovës, ndër të tjera, ia ka borxh edhe Ahmet Brahimajt, për hirë të mundit e sakrificës që ka bërë ai ndër vite, që ky institucion sot të jetë i njohur gjithandej nepër botë, për përkushtimin, kualitetin e punën vetmohuese:, thuhet në njoftimin e Trupës së Baletit në faqen zyrtare në Facebook.
Njoftimi i Plotë:
Sot në tre vjetorin e ikjes nga kjo botë, e kujtojmë me respekt e nderim, njeriun që rilindi baletin në vendin tonë, Maestron Ahmet Brahimaj.
Tash e tre vite, profesor Ahmeti na mungon fizikisht, familjes së tij dhe familjes së tij “të dytë”, siç e thoshte ai, Baletit Kombëtar të Kosovës, por ai vazhdon të jetë i pranishëm në mendjet dhe zemrat tona.
Shteti ynë, mbeshtetjen ndaj Baletit Kombëtar të Kosovës, ndër të tjera, ia ka borxh edhe Ahmet Brahimajt, për hirë të mundit e sakrificës që ka bërë ai ndër vite, që ky institucion sot të jetë i njohur gjithandej nepër botë, për përkushtimin, kualitetin e punën vetmohuese.
Ministri i Kulturës në Republikën e Kosovës, z.Hajrullah Çeku, në një vjetorin e vdekjes së profesorit Ahmet, do të thoshte:
“Pa figura si Ahmet Brahimaj, baleti kosovar do të dukej shumë ndryshe. E gjithë kultura kosovare e çmon, dhe i gjithë populli i Kosovës e nderon punën dhe figurën e tij në këtë përvjetor.
Për baletin kosovar, ai e bëri pjesën e tij, bile në mënyrë të jashtëzakonshme. Tani është radha jonë”
I përjetshëm qoftë kujtimi për ty, profesor!
