![Anasambli i Këngëve dhe Valleve “Gjilan”, një piano e merr donacion bashkëtdhetari në Zvicër](https://tvgjilani.com/wp-content/uploads/2023/07/358596824_10159260083906493_3963240761821175714_n-850x560.jpg)
Anasambli i Këngëve dhe Valleve “Gjilan”, një piano e merr donacion bashkëtdhetari në Zvicër
Në vazhdën e aktiviteteve të saj të panumërta, Ansambli i këngëve dhe valleve “Gjilani”, ka bërë jehonë pozitive me profesionalizmin e dëshmuar gjithandej ku është prezantuar, por edhe vështirësitë e përhershme që e kanë përcjellë në kontinuitetin organizativ, si rrjedhojë e kushteve modeste në të cilat ka punuar, e me të tilla mundësi të kufizuara është ballafaquar si cdo institucion tjetër i kulturës në Kosovë.
![](https://tvgjilani.com/wp-content/uploads/2024/04/vali-ranch-2.jpg)
![](https://tvgjilani.com/wp-content/uploads/2023/07/banana-peel-for-teeth-whitening-1.jpg)
Së fundi ky ansambël respektabil ka marrë një piano donacion nga Zvicra, gjegjësisht nga një anëtar shumëvjecar i këtij ansambli, Pajazit Morina, i cili tashmë jeton e vepron në shtetin helvetik.
Lajmin e ka bërë të ditur Nehat Ferati përmes rrjeteve sociale, për c’gjë ka falënderuar z. Morina, i cili bashkë me transportuesin “Abedini Transport” e kanë sjellur pianon në destinacionin e paraparë, në shërbim të ansamblit.
“Në emër të Ansamblit “Gjilani” dhe të gjithë kolegëve, falënderojmë shokun dhe kolegun tonë shumëvjeçar Z. Pajazit Morina, i cili gjendet përkohësisht në Zvicër me familje, për mbështetjen që i ka bërë Ansamblit tonë me një piano për të cilën jashtëzakonisht kemi pasur nevojë. Gjithashtu i falënderohemi edhe kompanisë së transportit ‘’Abedini Transport”, për transportin e pianos falas nga Zvicra”, ka shkruar z. Ferati.
![](https://tvgjilani.com/wp-content/uploads/2023/11/libertas2.jpg)