Ambasadori britanik Nicholas Abott vizitoi Qendrën Rajonale për Trashigimi Kulturore
Sot, ishte për vizitë në QRTK të Gjilanit, ambasadori britanik Nicholas Abbott, i cili u prit nga drejtori i kësaj qendreje, z. Arton Hoxha.
Z. Hoxha e njoftoi ambasadorin për punën dhe veprimtarinë e këtij institucioni që nga themelimi i qendrës në vitin 2004 e deri më sot.
Ambasadori Abbott, duke shprehur konsideratë për QRKT e Gjilanit, sidomos në evidentimin, ruajtjen dhe përkujdesjen ndaj këtij thesari të çmuar kulturor, u fokusua në punën e dy muzeumeve të Gjilanit, të cilat edhe i vizitoi, përfshirë Atik Xhaminë, e cila i pëlqeu pa masë, veçmas me ekspozimin dhe ruajtjen e vlerave mesjetare në këtë institucion të besimit islam.
Drejtori Hoxha e njoftoi përfaqësuesin e parë të shtetit britanik në Kosovë, i cili deri më tash është edhe diplomati i parë i këtij formati që viziton QRTK-në dhe muzetë e Gjilanit, se të tri objektet e vizituara janë asete në mbrojtje të përhershme të trashëgimisë institucionale nga MKRS-së.
Në përfundim të vizitës, ambasadorit Abbott iu dhuruan disa nga botimet e kësaj qendre në gjuhën angleze.
