Ambasada britanike reagon pas sulmit ndaj Berishës: Dhuna s’ka vend në demokraci
Kreu i Partisë Demokratike Sali Berisha u godit sot me grusht në fytyrë nga një 31- vjeçar, i cili sipas mjekut që është marrë me kurimin e tij vuan nga probleme të shëndetit mendor.
Ambasada britanike në Shqipëri ka reaguar pas ngjarjes duke bërë të qartë se dhuna nuk ka vend në demokraci.
Në njoftim shprehej mbështetja e të drejtës për protesta paqësore, ndërsa goditjen ndaj kryedemokratit e cilëson si sulm ndaj fjalës së lirë.
“Dhuna nuk ka vend në demokraci. Mbretëria e Bashkuar do të mbështesë gjithmonë të drejtën për protestë paqësore. Sulmi ndaj Sali Berishës është një sulm i papranueshëm ndaj fjalës së lirë. Mbretëria e Bashkuar dhe Shqipëria qëndrojnë krah për krah në mbështetjen tonë për demokracinë dhe shtetin e së drejtës”, thuhet në njoftimin e kësaj ambasade./Euronews.al
