Albulena Kryeziu në krye të teatrit “Hadi Shehu”: ‘Jam rritur me dashurinë për atë vend … ‘
Aktorja Albulena-Kryeziu Bokshi u emërua të enjten drejtoreshë e re e përgjithshme e Teatrit “Hadi Shehu”, shkruan KultPlus.
Nga: Uranik Emini
Në rolin e saj të ri, Kryeziu do të jetë përgjegjëse për mbikëqyrjen e të gjitha aspekteve të operacioneve të teatrit, duke përfshirë prodhimin, financimin dhe administrimin. Ajo do të luajë gjithashtu një rol kyç në formësimin e drejtimit artistik të teatrit dhe do të punojë ngushtë me ekipin artistik për të zhvilluar programe dhe nisma të reja.
Në një prononcim për KultPlus, Kryeziu shprehet e lumtur që mori mandatin 4 vjeçar në Teatrin “Hadi Shehu”, derisa pret me padurim që të fillojë punën.
“Sot kam nënshkruar kontratën me kryetarin e Gjakovës, Ardian Gjini, për një mandat katër vjeçar si drejtore e përgjithshme e teatrit “Hadi Shehu”. Besoj që kam shumë energji, vullnet e dëshirë për punë që ta dërgoj tutje këtë institucion, duke pasur parasysh që jam rritur me dashurinë për atë vend dhe rikthimi në rol është një emocion vërtet i veçantë”.
Ajo gjithashtu pret mbështetjen e të gjithë kolegëve, pasi ka shumë plane që pret t’i realizoj.
“Kam shumë plane të cilat uroj t’i realizoj në këtë mandatin tim 4 vjeçar, gjithashtu besoj që do ta kem mbështetjen e të gjithë kolegëve të mi në Gjakovë dhe Drejtoria e Kulturës, të cilët më kanë premtuar se do ta kem mbështetjen e tyre. Shpresoj që punën që është bërë deri tani në Teatrin e Gjakovës ta dërgojmë tutje”, thotë ajo për KultPlus.
Gjatë viteve të fundit, ajo ka luajtur disa role të ndryshme duke pasur ndikim në zhvillimin dhe suksesin e shumë prej produksioneve të teatrove të ndryshëm në Kosovë.
Emërimi i Kryeziut si Drejtoreshë e Përgjithshëm hyn në fuqi menjëherë dhe ajo do të fillojë rolin e saj të ri duke punuar me stafin e teatrit për të zhvilluar një plan strategjik për këtë vit.
/KultPlus.com
Video…
Ndërsa sot faqja zyrtare e Teatrit të Gjakovës “Hadi shehu” në gjakovë, ka postuar një shkrim me autorsi të ish drejtorit të deritanishëm, Edi Kastrati, ku paqyrohen simbolikisht vështirsitë me të cilat është përballë ky institucion gjatë vioteve të fundit, si dhe cështje tjera si në vijim:
PROLOG
Të besuarit na ka mësuar se, edhe pse gjithmonë ka një fund, në art nuk mbarojnë aq lehtë gjërat. Të paktën në art, vdesim e ringjallemi përsëri.
Kjo nënkupton se jeta ka vazhdimësinë e vetë dhe duhet të mësohemi me proceset që na krijojnë vizione. Vetëm se vizionet e duan mjeshtrin e mirë.
Jeta është teatër.
Lozim e secili jemi para publikut, kush më simpatik, kush më i zbehtë e kush më artistik, që të gjithë në fund të shfaqjes dalim para duartrokitjeve.
Pastaj, merret mbamendja me ne e riprodhon vlerat nga kujtesa e tyre.
Eh! Vlerat janë rariteti që kush ti lexojë se…!!!
Ka lexues, ka. Madje ka sa ta ngrijnë bebëzën e syrit.
Ky prolog, nga puna ime me teatër është një transformim fizik, ku unë e marr krejt të natyrshëm me ndërtimin tim që kam për jetën, për punën, e për komunikimin me masën.
Teatri i Gjakovës, është aty ku dikush i mençur e krijoi. Të tjerë lozëm dhe punuam për ta ruajtur, e sigurisht të gjithë së bashku edhe ia kemi shtuar vlerat, se i druheshim publikut të Gjakovës, se ata dinë me ta thanë me loçke të zemrës nëse ia huq.
Të paktën ne, aktorë e menaxhment nuk e kemi marrë deri më sot këtë ofshamë nga publiku. Deri aty ku u lejua, e ruajtëm bashkëpunimin me vartësit, se jemi rriskë i kësaj shoqërie në shtetin tonë.
Epilog ka vetëm shfaqja, e jo teatri.
Epilog kanë kalimtarët e pushteteve e kurrë artistët.
Epilogun nuk e do teatri, sikur në dashuri kur duan të zgjasë nata.
Artistët bëjnë lojë dhe e duan jetën kur e shohin në syrin e publikut ngazëllimin. Këtë nuk e ka politika, prandaj është aq shterpe në dashuri.
Që sot teatri ka drejtori të re, me miken time Albulena Kryeziu – Bokshi, aktore e rritur në skenë. Dhe, ajo nuk është vetëm, jemi aty se nuk na lë publiku të ikim.
Andaj, një fillim i ri, për një lojë të mbetur në heshtje të pakuptimtë për një vit, për ne, e për ju publik i dashur.
Aq sa kisha mundësi punova, duke mos u lodhur me drejtësi dhe ndershmëri.
Tani, ish drejtor i Teatrit “Hadi Shehu” – Gjakovë
I juaji, Edi Kastrati – Aktor.
