Albulena Haxhiu, kryetare e Kuvendit
Albulena Haxhiu është zgjedhur sot kryetare e Kuvendit të Kosovës.
Në seancën e mbajtur më 11.02.2026 Albulena Haxhiiu është zgjedhur kryetare e Kuvendit të Republikës së Kosovës.
Me 66 vota për, 44 kundër dhe 8 abstenime kryetare e Kuvendit është zgjedhur Albulena Haxhiu.
Seanca u kryesua nga deputeti më i moshuar, Avni Dehar, nga LVV, i ndihmuar nga deputetja më e re në moshë Fatma Taçi nga KDTP.
Në zgjedhjet e fundit, Lëvizja Vetëvendosje (LVV) si partia e parë me më së shumti vota do të ketë 57 deputetë, Partia Demokratike e Kosovës (PDK) 22, Lidhja Demokratike e Kosovës (LDK) 15 dhe Aleanca për Ardhmërinë e Kosovës (AAK) 6.
Nga 120 deputetët që përbëjnë Kuvendin e Kosovës, 20 janë të garantuara me Kushtetutë për komunitetet joshumicë që jetojnë në vend.
Nga këto 20, dhjetë janë të garantuara për përfaqësuesit e komunitetit serb. 9 prej tyre do t’i zë Lista Serbe, një Nenad Rashiq nga Partia për Liri, Drejtësi dhe Mbijetesë.
Dy ulëse do të zënë dy deputetë nga Partia Turke Demokratike e Kosovës.
Kurse, nga një ulëse kanë fituar partitë e tjera të komuniteteve joshumicë: VAKAT, Unioni Social Demokrat, Partia e Re Demokratike, Iniciativa e Re Demokratike e Kosovës (IRDK), Partia Liberale Egjiptiane, Partia Socialdemokrate e Ashkalinjve, Lëvizja Përparimtare e Romëve të Kosovës dhe Partia e Bashkuar Gorane.
Zgjedhjet e parakohshme për legjislaturën e 10-të të Kuvendit të Kosovës janë mbajtur më 28 dhjetor 2025.
