Alban Hyseni falënderon votuesit e LVV-së: – Punë të mëdha na presin, andaj mobilizimi ynë është fuqia e madhe që ka triumfuar në secilën garë
Kreu i LVV-së në Gjilan, njëherit kandidat për kryetar të Komunës së Gjilanit, Alban Hyseni, ka falënderuar me respekt votuesit të cilët e kanë mbështetur në garën zgjedhore më 12 tetor.
“Falënderoj nga zemra secilin prej jush për mbështetjen e madhe gjatë katër viteve të mandatit tonë të parë, e gjithashtu edhe për një fushatë fantastike, dinjitoze, pa ofendime dhe me shumë takime në çdo lagje e fshat të Gjilanit tonë”, ka shkruar mes tjerash Hyseni.
Postimi falënderues:
Të dashur qytetarë të Gjilanit, aktivistë të Lëvizjes VETËVENDOSJE dhe të gjithë ju përkrahës që na votuat masivisht më datë 12 tetor.
Falënderoj nga zemra secilin prej jush për mbështetjen e madhe gjatë katër viteve të mandatit tonë të parë, e gjithashtu edhe për një fushatë fantastike, dinjitoze, pa ofendime dhe me shumë takime në çdo lagje e fshat të Gjilanit tonë.
Përkrahja e madhe nga qytetarët e vendit tim dhe mërgata që na ka votuar përmes postës, dhe duke ardhur në Kosovë ditën e zgjedhjeve, është nder e përgjegjësi e madhe për mua dhe Lëvizjen.
Punë të mëdha na presin, andaj mobilizimi ynë është fuqia e madhe që ka triumfuar në secilën garë, e me të njëjtin intensitet do të vazhdojmë edhe më tutje BASHKË me secilin prej jush.
Faleminderit nga zemra.
Vazhdojmë BASHKË!
