Maturantët e Kamenicës vizitojnë Beratit, Klaiqi: “Përvojë e veçantë për njohjen e historisë”
Nxënësit e tri shkollave të mesme zhvillojnë ekskursion në qytetet historike të Shqipërisë.
KAMENICË – Maturantët e tri shkollave të mesme të larta të Komunës së Kamenicës po zhvillojnë një ekskursion arsimor dhe kulturor në Shqipëri.
Gjatë qëndrimit në qytetin historik të Beratit, maturantët dhe stafin e shkollave i vizitoi edhe Drejtori i Arsimit në Kamenicë, z. Selami Klaiqi, së bashku me bashkëpunëtorët e tij.
Sipas Drejtorisë së Arsimit në Kamenicë, ekskursioni po zhvillohet sipas agjendës së paraparë dhe u ofron nxënësve mundësinë “të vizitojnë dhe të njihen nga afër me vendet më të rëndësishme historike, kulturore dhe turistike të shtetit amë, Shqipërisë”.
“Kjo përvojë është një mundësi e veçantë për nxënësit që, përtej përvojës shkollore, të forcojnë njohuritë për historinë, kulturën dhe trashëgiminë tonë kombëtare”, thuhet në njoftimin e Drejtorisë së Arsimit.
Maturantët gjatë qëndrimit në Shqipëri do të kenë mundësi të vizitojnë edhe vende të tjera me rëndësi historike dhe kulturore.
