Arbëria mobilizohet për tubimin qendror të PDK-së në Gjilan
Banorët e lagjes Arbëria shprehin gatishmërinë dhe entuziazmin për pjesëmarrje në tubimin që do të mbahet nesër në Parkun e Dardanisë
Nëndega e PDK-së në lagjen Arbëria ka bërë të ditur se është plotësisht e mobilizuar për tubimin qendror që do të mbahet nesër në Gjilan. Përfaqësues dhe mbështetës të kësaj lagjeje kanë theksuar se po hyjnë në këtë aktivitet me energji, unitet dhe besim të plotë në rrugëtimin politik të subjektit.
Sipas tyre, Arbëria ka qenë vazhdimisht një nga bastionet kryesore të PDK-së në qytet, duke dëshmuar mbështetje të vazhdueshme në proceset zgjedhore dhe aktivitetet politike. Ata vlerësojnë se mobilizimi i tanishëm është dëshmi e përkushtimit dhe organizimit të strukturave partiake në terren.
Organizatorët kanë ftuar qytetarët që t’i bashkohen tubimit qendror, i cili do të mbahet në Parkun e Dardanisë, me fillim nga ora 18:30, duke e cilësuar atë si një manifestim të bashkimit, besimit dhe vizionit të përbashkët për të ardhmen.
📍 Vendi: Parku i Dardanisë
⏰ Ora: 18:30
🇽🇰 Ju presim të gjithëve!
