Urimi i Rektorit Artan Dërmaku për Festën e 8 Marsit
Rektori i Universitetit Publik “Kadri Zeka” në Gjilan Prof.Asoc. Dr. Artan Dërmakui me rastin e 8 Marsit – Ditës së Gruas, ka uruar të gjitha gratë për këtë ditë.
Rektori ka çmuar lartë përkushtimin e gruas në procese të shumta të ndërtimit të shteti, përmes së cilit, gruaja tashmë ka arritur një shkallë të mirë të avancimit në shoqëri.
“Është e rëndësishme të kujtohen angazhimet e gjeneratave të kaluara për ta fuqizuar ndikimin e gruas në shoqëri dhe kjo është pikërisht rëndësia që ka shënimi i kësaj dite” ka thënë Rektori Prof. Asoc. Dr. Artan Dêrmaku.
Vajzat dhe gratë që punojnë në Universitetin Publik “Kadri Zeka” në Gjilan, në secilën pozitë janë dëshmuar dhe kanë treguar sukses të jashtëzakonshëm. Prandaj, ne kemi nevojë më shumë se kurrë për vajza të arsimuara dhe të ngritura profesionalisht, në mënyrë që të krijojmë një gjeneratë shpresëdhënëse për vendin tonë.
Duke shprehur respektin më të sinqertë për rolin dhe kontributin e femrave edhe për sukseset që lidhen me Universitetin Publik “Kadri Zeka”, uroj për shëndet, mirëqenie dhe lumturi në familje e në jetë.
Urime Dita Ndërkombëtare e Gruas!
Me respekt,
Prof. Asoc. Dr. Artan Dërmaku
REKTOR
