Vesa Ademi nga Vitia kandidon për këshilltare komunale në Francë
Bashkëvendësja nga Vitia, Vesa Ademi, e cila prej vitesh jeton dhe vepron në Francë, është bërë pjesë e garës zgjedhore për këshilltare komunale në qytetin Saint-Julien-en-Genevois.
Me kandidimin e saj, ajo synon të fitojë besimin e qytetarëve për të qenë pjesë e vendimmarrjes lokale dhe për të kontribuar në zhvillimin e mëtejshëm të qytetit. Ky angazhim konsiderohet edhe si një shembull i integrimit të suksesshëm të komunitetit shqiptar në shoqërinë franceze.
Saint-Julien-en-Genevois njihet për diversitetin dhe bashkëjetesën e komuniteteve të ndryshme. Kandidimi i Vesa Ademi shihet gjithashtu si një mundësi që komuniteti shqiptar në këtë zonë të ketë përfaqësim më të drejtpërdrejtë në institucionet komunale.
Në këtë proces zgjedhor, ajo u ka bërë thirrje bashkatdhetarëve që jetojnë në këtë qytet dhe në zonat përreth që ta mbështesin, në mënyrë që zëri i komunitetit shqiptar të jetë më i pranishëm në institucionet lokale.
