Besian Mustafa tregon dy opsionet e LDK-së për zgjidhjen e çështjes së presidentit
Deputeti i LDK-së, Besian Mustafa, ka thënë se për LDK-në zgjedhjet e reja janë të evitueshme dhe të panevojshme.
Ai pas takimit me Grupin Parlamentar ka thënë se LDK është për dy rrugë, konsensus i gjerë ku të gjitha partitë pajtohen për një kandidat, ose ku arrihet një marrëveshje klasike politike mes LDK-së dhe VV-së.
“LDK është për dy drejtime. Konsensusi i gjerë politik, një kandidat që vjen si pajtueshmëri nga të gjitha partitë politike.
E dyta një marrëveshje klasike politike, në këtë rast LDK-së dhe partisë në pushtet”, ka thënë Mustafa.
