Moti në vikend, kryesisht i vranët dhe me riga shiu
Instituti Hidrometeorologjik i Kosovës njofton se gjatë vikendit, pritet mot kryesisht i vranët, me intervale dielli dhe riga shiu.
Të shtunën moti do të jetë kryesisht i vranët me intervale dielli, temperaturat minimale do të luhaten nga -3°C deri 0°C, ndërsa maksimale nga 5°C deri 8°C, ndërsa era do të fryjë nga veriperëndimi me shpejtësi 1-5 m/s.
Të dielën moti mbetet kryesisht i vranët me riga shiu, temperaturat minimale do të jenë 0°C deri 3°C, ndërsa maksimale 8°C deri 12°C, ndërsa era do të fryjë nga verilindja me shpejtësi 1-6 m/s.
