Drita vs Celje – entusiazëm në dy taborret: Ish futbollisti i Trepça ’89, tani i Celjes, Milot Avdyli, shprehet optimist! “Do ta mundim Dritën! Kam dy arsye për triumf”
Drita vs Celje, shorti përcakton rivalët – entusiazëm si te Drita dhe te Celje: Ish futbollisti i Trepça ’89, tani i Celjes, Milot Avdyli, shprehet optimist!
Njëri nga ata për të cilët përballjet e play-off-it me Dritën e Kosovës do të jenë edhe më të veçanta, është pa dyshim futbollisti i NK Celje, Milot Avdyli.
Mesfushori 23-vjeçar, ish-reprezentues i grupmoshave të reja dhe i ekipit U21 të Kosovës, i cili iu bashkua NK Celje gjatë verës nga Vorskla Poltava e Ukrainës, ka lënë përshtypje të mirë në pjesën vjeshtore të sezonit, duke regjistruar 8 asistime në 27 ndeshje.
Ja çfarë ka thënë ai për kundërshtarin e radhës në kompeticionin garues evropian të Konferencë Ligës:
“Që në fazën e ligës kam dashur të përballem me Dritën dhe tani dëshira më është realizuar. Këto dy ndeshje do të jenë diçka e veçantë për mua, pasi do të përballem me një klub nga vendlindja ime. Me Dritën kam disa llogari të hapura, pasi jam përballur dy herë me ta si lojtar i Trepçës dhe të dyja herët kam humbur (qesh)”, ka thēnë ai për faqen zyrtare të NK Celje.
Ai është shprehur i bindur se këtë herë do të jetë ndryshe.
“Njoh shumë futbollistë të Dritës, kam ndjekur edhe ndeshjet e tyre evropiane dhe mund të them se bëhet fjalë për një skuadër cilësore, por gjithësesi të kalueshme. Në Prishtinë na pret një atmosferë e mirë, por mendoj se do të dimë të përshtatemi. Për ne është gjithashtu pozitive që ndeshjen e kthimit e luajmë në stadiumin tonë, ku gjithmonë kemi pasur përkrahje të zëshme dhe, edhe me ndihmën e tifozëve, në fazën e ligës së Konferencës kemi mposhtur AEK Athinën dhe Legia Varshavë, si dhe në përgjithësi kemi mbetur të pamposhtur”, ka përfunduar ai deklaratēn duke besuar fuqishëm në kualifikimin e skuadrës sē Celjes, ngjyrat e së cilës mbronë!…
