Pensionohet Prof. Dr. Merxhan Avdyli pas një karriere të gjatë e të lavdishme
Universiteti Publik “Kadri Zeka” organizoi një takim për të nderuar pensionimin e Dekanit të Fakultetit të Edukimit, Prof. Dr. Merxhan Avdyli, pas një kontributi të lavdishëm kombëtare, si një udhëheqës i përkushtuar dhe një personalitet i respektuar në fushën e arsimit.
Rektori i Universitetit, Prof. Asoc. Dr. Artan Dermaku, vlerësoi kontributin e jashtëzakonshëm të Prof. Dr. Merxhan Avdylit në zhvillimin e Fakultetit të Edukimit, përpjekjet e tij të palodhura për avancimin e mësimdhënies dhe përkushtimin ndaj studentëve. Rektori theksoi se udhëheqja e Dekanit ka lënë gjurmë të qëndrueshme në rritjen akademike dhe institucional të Fakultetit.
Prodekani i Fakultetit të Edukimit, Prof. Asoc. Dr. Mensur Neziti, e përshkroi Prof. Dr, Merxhan Avdylin si një model profesional dhe njerëzor, duke vlerësuar mençurinë, drejtësinë dhe përkushtimin e tij të jashtëzakonshëm gjatë viteve të shërbimit.
Kolegët e tij ndanë kujtime të ngrohta dhe urime të sinqerta, duke theksuar se Prof. Dr. Merxhan Avdyli ka qenë gjithmonë një burim inspirimi për stafin akademik dhe për studentët.
Prof. Dr. Merxhan Avdyli, i cili në fillet e Universitetit ka qenë anëtar i Këshillit Drejtues, falënderoi të gjithë për respektin dhe bashkëpunimin gjatë viteve, shprehu kënaqësinë për përvojën e tij të pasur në Fakultet dhe për arritjet e përbashkëta, duke vënë theksin tek rëndësia e punës ekipore dhe angazhimit për arsimin cilësor.
Universiteti Publik “Kadri Zeka” shpreh mirënjohje për përkushtimin e Prof. Dr. Merxhan Avdyli në kontributin e tij të jashtëzakonshëm ndaj arsimit, studentëve dhe zhvillimit akademik të Fakultetit të Edukimit dhe universitetit në përgjithësi.
