Zhegrova bën diferencën, por Juventus dështoi të fitojë përballë Lecce-s
Juventusi ka arritur të sigurojë vetëm një barazim 1-1 në ndeshjen e luajtur të shtunën ndaj Lecce-s, në kuadër të Serisë A.
Pavarësisht se ishin nikoqirët dhe krijuan më shumë mundësi shënimi, Juventus nuk arriti të kalonte në epërsi. Skuadra mysafire kaloi e para në avantazh me golin e Banda në minutën e fundit të pjesës së parë (45+2’).
Në fraksionin e dytë, Juventusi reagoi me aktivizimin e Edon Zhegrovës, që dha një paraqitje të mirë dhe ishte kyç në barazimin e arritur nga McKennie në minutën e 50’.
Edhe pse bëri presion të vazhdueshëm ndaj portës së Lecce-s deri në fund të ndeshjes, “Zonja e Vjetër” nuk arriti ta thyejë mbrojtjen e fortë të mysafirëve. Nga ana tjetër, Ylber Ramadani luajti gjatë gjithë ndeshjes për Lecce-n.
Pas këtij barazimi, Juventus renditet i 5-ti me 33 pikë, ndërsa Lecce mbetet në vendin e 16-të me 17 pikë.
