Të mërkurën jepet premiera e shfaqjes “A po m’nin’’
Këtë të mërkurë, në Teatrin e Gjilanit do të jepet shfaqja premierë “A po m’nin”, me aktorë të rinj të trupit teatror të nxënësve të shkollave të mesme.
Konceptin i shfaqjes:
Në heshtjen e shpërfilljes lind pasiguria, dhe në pasiguri humbet vetëbesimi. Jara, një vajzë e re, përballet me dilemën e zgjedhjeve që i ndryshojnë rrjedhën e jetës. Kur kujdesi humbet në rrëmujën e ndryshimeve shoqërore, fëmijët ndihen të braktisur dhe pasojat mund të shtrihen shumë larg.
Shfaqja forum teatër “A PO M’NIN” sjell këtë udhëtim të ndërlikuar të rinisë, përmes interpretimeve të nxënësve të Gjimnazit “Xhavit Ahmeti” dhe Shkollës së Artit “Adem Kastrati”: Muharrem Ramadani, Eris Selimi, Isra Sahiti, Anisa Koprani, Donesa Musliu, Ajsin Sahiti, Lina Bislimi, Atika Salihu, Kanita Mehmeti, Delfina Halimi, Altesa Byqmeti, Blinera Miftari, dhe Rrezarta Rrahmani.
Të rinjtë e Klubit Teatror në Gjilan janë mentoruar nga aktorët Kushtrim Qerimi dhe Fitore Jashari.
Kjo shfaqje është projekt i Organizatës Artpolis
Premiera e shfaqjes do të jepet me datë 10 Dhjetor, 2025 (e mërkurë) nga ora 10:00 – 11:00 në Teatrin e Qytetit në Gjilan.
