UKZ mbështetur nga SHER organizoi punëtori për rishikimin e rregulloreve institucionale
Universitetit Publik “Kadri Zeka” në Gjilan mbështetur nga programi SHER, organizuan punëtori dy ditore, për shqyrtimin dhe përmirësimin e pesë rregulloreve kryesore institucionale.
Rektori i Universitetit Publik “Kadri Zeka” në Gjilan, Prof. Asoc. Dr. Artan Dëramku së bashku me grupin punues të universitetit dhe përfaqësues të programit SHER, shqyrtuan dhe përmirësuan rregulloret kyçe institucionale.
Rektori Dërmaku theksoi rëndësinë e këtij procesi për modernizimin e kuadrit rregullativ të universitetit, duke vënë theksin tek krijimi i një mjedisi akademik më të sigurt, gjithëpërfshirës dhe efektiv për studentët dhe stafin akademik.
Ky aktivitet synon të forcojë qeverisjen, transparencën dhe llogaridhënien brenda universitetit dhe të sigurojë që politikat e brendshme të jenë të përputhshme me standardet bashkëkohore.
Gjatë punëtorisë, pjesëmarrësit analizuan rregulloret që lidhen me organizimin e pozicioneve administrative, standardet etike, procedurat disiplinore, kornizat e lëvizshmërisë, si dhe masat për parandalimin dhe mbrojtjen nga ngacmimi. Përmes kësaj përfshirjeje, Universiteti Publik “Kadri Zeka” po punon drejt ndërtimit të një strukturë më transparente të rregulloreve, që mbështet zhvillimin profesional dhe akademik të të gjithë pjesëmarrësve në komunitetin universitar.
Programi SHER, i cili mbështetet nga Agjencia Austriake për Zhvillim (ADA), financohet nga MESTI dhe zbatohet nga WUS Austria, Zentrum für Soziale Innovation – ZSI dhe OeAD, ka ofruar ekspertizë dhe lehtësim të strukturuar gjatë gjithë procesit të rishikimit, duke kontribuar në ngritjen e kapaciteteve institucionale dhe përmirësimin e politikave të brendshme të UKZ-së.
