Kryetari Hyseni: Energjia, përkushtimi dhe gatishmëria e ushtarëve për të mbrojtur vendin tonë janë të jashtëzakonshme
Me rastin e shënimit të Ditës së Forcës, dhe festave të nëntorit, kryetari i Komunës së Gjilanit Alban Hyseni, bashkë më përfaqësues edhe nga institucionet komunale dhe të tjera, kanë marrë pjesë në aktivitetet e organizuara për nderë të kësaj dite në Kazermën “New Born” në Gjilan.
Ata janë prit nga nënkoloneli Arben Avdyli dhe të tjerë ku dhe janë prezantuar pajisjet me aktivitet nga Regjimentit të Parë të Këmbësorisë.
Kryetari i Komunës së Gjilanit, Alban Hyseni, tha se sot, në Ditën e Forcës, ishte një kënaqësi e veçantë dhe nder i madh të qëndroja pranë ushtarëve tanë të Forcës së Sigurisë së Kosovës.
“Energjia, përkushtimi dhe gatishmëria e tyre për të mbrojtur vendin tonë janë të jashtëzakonshme. Jemi shumë krenarë me këta burra e gra që çdo ditë demonstrojnë guxim e profesionalizëm të shkëlqyer për sigurinë dhe të ardhmen e Kosovës. E gëzofshim Ditën e Forcës”, tha kryetari Alban Hyseni.
