Gjilan: Ka ndërruar jetë krijuesi letrar e pubicistik, Njazi Ramadani
Në moshën 61-vjecare ka ndërruar jetë gazetari e publicisti, njëherit krijuesi letrar e publicistik, Njazi Ramadani.
Lajmi për vdekjen e Njazi Ramadanit është publikuar nga familjarët e tij në rrjete sociale.
”Babi, faleminderit për çdo përkrahje për çdo fjalë dhe vepër të mirë që e kishe ndaj të gjithëve. Veprat e tua dhe zemra jote e madhe nuk do harrohet kurrë e ne do të kujtojmë sa te jemi gjallë”, ka shkruar në rrjetin social Facebook, djali i tij, Gramos Ramadani.
BIPGRAFIA
Biografi e Njazi Ramadani – Pjesë nga libri “ profili shumëdimensional i Nijazi Ramadanit, botoi Shb Rrjedha Gjilan, 2021”
Drama: Autori i lindur më 1964 në Kokaj të Gjilanit është një shkrimtar i frytshëm që ka krijuar të tri gjinitë letrare.
Në vitin 1978, fillon me poezi, ndërsa në vitin 1981 anatemohet nga veprimtaria publike, kur vetëm në vitin 1995, botoi përmbledhjen poetike te Sh.B. “Jeta e Re”.
Në vitin 1990 shfaqet si gazetar te revista “Koha”, gazeta e përditshme “Rilindja”, botimi i jashtëm në Tiranë dhe Prishtinë, ndërkaq, tetë vjet më vonë me 1998, angazhohet në të përditshmen “Kosova Sot”, pastaj në gazetat ”Kosovapres”, “Epoka e Re”, kurse prej vitit 2000 provon edhe prozën te revista “Ars” Tiranë, “Haemus”, Bukuresht, Gazeta “Athina” – Athinë.
Vëmendjen e krijimtarisë së tij e ka tërhequr veçmas pika më delikate e letërsisë shqipe, drama, me botimin e një sërë publikimesh e shkrimesh për teatrinë, dramën, për komedinë dhe konsolidimin e së cilës ai ka shkruar tri vepra, të cilat janë fund e krye shqiptare.
Para luftës së fundit të Kosovës (1999), Ai ka shkruar zakonisht komedi, ndërsa pas luftës shfaqet me drama tragjike. Pra, në situata tragjike e relakson publikun, ndërsa pas kalimit të tmerrit, e ndërgjegjëson atë, prandaj nuk është e rastit që vepra e këtij autori është ndër më temë provokative.
