Radio Gjilani sot shënoni 52-vjetorin e themelimit
Radio Gjilani është mediumi i parë në rajonin e lindjes dhe ndër të parët në Kosovë, i cili është themeluar nga Kuvendi i atëhershëm i Komunës së Gjilanit, saktësisht më 16 nëntor 1973.
Lajmin e ka publikuar drejtori, njëherit drejtuesi i këtij mediumi, Njazi Selimi.
Ai me këtë rast ka shfaqur shpresën që Radio Gjilani, me të cilin janë rritur shumë gjenerata, do të shënojë edhe shumë përvjetorë tjerw, por në kushte dhe gjendje më të mirë, si teknike ashtu edhe financiare”.
“Falënderojmë të gjithë punëtorët që punuan në këtë medium për kontributin e palodhshëm ndër vite”, ka shkruar drejtuesi i Radio Gjilani, Njazi Selimi, duke prezantuar një pjesë të këtij njoftimi në formën audio-vizuele.
Sipas njoftimit mësohet se në sfond të prezantimit, sic mund të shihet në video brenda lajmit, dëgjohet audio/sinjali i Radio Gjilanit, i realizuar asokohe nga Selman Vokshi, tashmë i ndjerë, ish-redaktor i muzikës në Radio Gjilan.
