Kosova U21 me fitore të madhe në Qipro
Kosova U21 ka shënuar fitore të thellë 4:0 ndaj Qipros, një rezultat që jep shumë shpresa para udhëtimit vendimtar në Finlandë.
Me golat e Bujupit (16’) dhe Frokajt (45’+4), që në pjesën e parë u pa qartë se Dardanët e morën ndeshjen shumë seriozisht. Në pjesën e dytë, Bujupi realizoi sërish në minutën e 61-të, ndërsa në minutën e parë të shtesës vulosi rezultatin me golin e tij të tretë.
Me këtë triumf, Kosova arrinë kuotën e 7 pikëve pas 4 ndeshjeve — pesë më pak se Spanja lidere dhe dy më pak se Finlanda, kundër së cilës Dardanët do të luajnë të martën, më 18 nëntor, në një sfidë jashtëzakonisht të rëndësishme.
