Kryetari Hyseni, shikon punimet në objektin për qëndrim ditor për personat e moshuar, bujtinës për student dhe kuzhinës popullore
Kryetari Hyseni, shikon punimet në objektin për qëndrim ditor për personat e moshuar, bujtinës për student dhe kuzhinës popullore, ku po investohen 2.5 milionë euro.
Punimet për ndërtimin e qendrës për qëndrim ditor për personat e moshuar, bujtinës për student dhe kuzhinës popullore në Gjilan, po vazhdojnë.
Kryetari i Komunës së Gjilanit, Alban Hyseni, ka dalë për të parë nga afër ecurinë e punëve, i cili edhe ka realizuar disa fotografi, duke shkruar: Përshëndetje nga objekti i ri për Qëndrim ditor për të moshuar.
Punimet e kësaj qendre kanë nisur me 4 tetor të vitit të kaluar dhe vlera e investimeve është 2.5 milionë euro.
Këtu do të ofrohen shërbime për 100 të moshuar, 200 shujta ditore për familjet në nevojë dhe strehim për 30 studentë që do të kenë mundësinë të banojnë.
