Një jetë në shërbim të dijes dhe përkushtimit pedagogjik – Pensionohet pedagogia Drita Kallaba
Përmes një njoftimi publik në faqen e saj zyrtare, Shkolla e Mesme e Ultë “Selami Hallaqi” në Gjilan, ka njoftuar se është pensionuar znj. Drita Kallaba.
“Sot shkolla jonë me mirënjohje e respekt të veçantë nderon pedagogen znj. Drita Kallaba, e cila pas një karriere të gjatë, të ndritur e të përkushtuar në arsim, po përmbyll me dinjitet rrugëtimin e saj profesional, duke filluar një kapitull të ri në jetën e saj – pensionimin e merituar”, thuhet në njoftimin dedikues për znj. Kallaba.
Po aty theksohet se Znj. Kallaba gjatë gjithë viteve të punës së saj ka qenë shembull i përkushtimit, profesionalizmit dhe dashurisë ndaj punës me fëmijët e kolegët.
“Me durim, urtësi dhe pasion ajo ka ndikuar në formimin e shumë brezave, duke lënë pas gjurmë të pashlyeshme në edukimin e fëmijëve dhe zhvillimin e shkollës sonë”, vijon më tej njoftimi.
Në njoftim theksohen edhe tipare të vecanta të znj. Kallaba, për të cilën shtohet se ishte frymëzim për kolegët, mbështetje për nxënësit dhe model i një pedagogeje që punon me zemër e shpirt.
“Kontributi i saj nuk matet vetëm me vite pune, por me ndikimin e madh që ka pasur në ndërtimin e vlerave, disiplinës dhe dashurisë për dijen”, thuhet poashtu në njoftimin zyrtar.
Në këtë ditë të veçantë të jetës së saj, stafi udhëheqës, mësimdhënësit dhe i gjithë kolektivi i shkollës “Zenel Hajdini” i kanë shprehur falënderimet më të sinqerta për çdo përpjekje, çdo këshillë dhe çdo moment që znj. Drita Kallaba ka dhënë në shërbim të edukimit dhe të brezave të rinj.
“Urojmë që vitet që vijnë t’i sjellin shëndet, qetësi dhe gëzime të shumta pranë familjes dhe të dashurve të saj. Faleminderit, Pedagoge Drita Kallaba, për një jetë të tërë në shërbim të dijes!”, thuhet në fund të njoftimit dedikus nga kjo vatër e arsimit në Gjilan.
Kujtojmë që zonja Drita kallaba përvec procesit të edukimit që e ka vecuar, një periudhë të gjatë ishte edhe përfaqësuese komunale e regjionale e Këshillt të Prindve, ku dha një kontribut të jashtëzakonshëm, vecmas në kuadër të përpjekjeve të saj në funskion të elimimnimet të problemeve të shfaqura që përcillnin shkollat e nxënësit nga Gjilani e mbarë Kosova në ekskursionet e viteve të kaluara.
