Fidan Rama: Riad Rashiti e ka ringjall PDK-në në Gjilan, performanca dhe prezenca e tij e dërguan në balotazh Alban Hysenin
Komentatori politik, Fidan Rama në “Adresa” komentoi rezultatin preliminar të zgjedhjeve lokale.
Rama mori për krahasim komunën e Gjilanit, duke e bërë dallim e votave që i ka marrë kandidati i Lëvizjes Vetëvendosje, Alban Hyseni në zgjedhjet e tanishme dhe në zgjedhjet e fundit të vitit 2021, ku edhe e mori postin e kryetarit po i njejti.
Rama tha se Partia Demokratike e Kosovës ishte “shuar” në vazhdimësi në komunën e Gjilanit, por kandidati i këtyre zgjedhjeve, Riad Rashiti kishte bërë një fushatë elektorale shumë të mirë dhe e kishte ngjallur paksa PDK-në në Gjilan.
“PDK-ja ka qenë pothuajse zero në Gjilan me prezencë. Çka ka ndodhë me këtë kandidatin që unë kam dëgju për herë të parë për të – Performanca e tij në debate, prezenca në terren me sa kam kuptu, e ka ngritë pak a shumë e ka ringjall degën e PDK-së në Gjilan”, tha Rama.
Diferenca e votave nga zgjedhjet e kaluara, ishte rreth 2500 vota, e Rama tha se nëse nuk do të kishte performancë të mirë nga PDK-ja, ato vota do ti shkonin automatikisht Alban Hysenit.
E sipas Ramës, ishte kjo parti që e dërgoi në balotazh Alban Hysenin, duke i “rrëmbyer” rreth 2500 vota të cilat nëse do ti kishte marrë edhe këto vota Alban Hyseni, do të fitonte automatikisht në Gjilan, pa balotazh.
/Gazeta10
Ndiqeni videon e plotë për më shumë detaje:
