Gjilan: E tmerrshme! 18-vjeçari përfundon i plagosur me thikë, prangosen nga policia tre bashkëmoshatarë të tij
Një incident i rëndë ka ndodhur në Gjilan, ku një 17-vjeçar është sulmuar fizikisht dhe goditur me thikë nga tre bashkëmoshatarë të tij.
Ngjarja ka ndodhur më 9 tetor 2025, rreth orës 21:40, në rrugën “Feti Vogli” të qytetit, ku tre të miturit – D. Canaj rreth 16-vjeçar, F. Bajrami rreth 17-vjeçar dhe D. Memeti rreth 17-vjeçar – dyshohet se kanë sulmuar fizikisht dhe me mjete të mprehta viktimën H. A rreth 18-vjeçar, duke i shkaktuar lëndime të lehta trupore, sipas raportit mjekësor.
Pas një pune hetimore dyditore, njësia e hetimeve në Gjilan arriti të identifikojë dhe arrestojë tre të dyshuarit, të cilët janë intervistuar në prani të përfaqësuesve ligjorë dhe zyrtarëve të QPS-së, sipas procedurave për të mitur.
Me urdhër të Prokurorit të Shtetit, ndaj tyre është caktuar masa e ndalimit për 24 orë, ndërsa hetimet për zbardhjen e plotë të motivit të sulmit janë në vazhdim.
