Enver Hoxhaj i nënshtrohet një operacioni: Po rikuperohem gradualisht
Deputeti i PDK-së Enver Hoxhaj, i është nënshtruar një operimi pas një lëndimi në këmbë.
Enver Hoxhaj ka bërë të ditur se ditët e fundit kanë qenë një periudhë e vështirë për të dhe familjen e tij, por se tashmë po rikuperohet gradualisht.
“Pas një lëndimi të rëndë në këmbë, për të cilin u desh të operohesha, ditët e fundit kanë qenë një periudhë jo e lehtë për mua dhe familjen time. Për fat të mirë, gjithçka shkoi mirë dhe po rikuperohem gradualisht”, ka shkruar Hoxhaj.
Ai ka shprehur mirënjohje për kujdesin dhe mbështetjen që ka marrë nga qytetarët, miqtë dhe kolegët, duke falënderuar gjithashtu mjekët dhe stafin shëndetësor.
“Faleminderit nga zemra secilit prej jush për afërsinë dhe përkujdesjen që keni treguar”, ka përfunduar Hoxhaj.
