Shndritja e Robert Rrahmani – Robit, kurorëzohet me çmimin “Ylli i Javës”
Robi goll. Mesfushori i skuadrës SC Gjilani është vlerësuar si futbollisti me paraqitjen më të mirë në kuadër të javës së pestë në Albi Mall Superligë.
Fantazisti i skuadrës pranoi çmimin në ambientet e Federatës së Futbollit të Kosovës, pas vlerësimit nga Komisioni i Veteranëve të Futbollit, i përbërë nga Blerim Haxholli, Isuf Llumnica dhe Denis Isaja.
Pasi pranoi çmimin Robi u shpreh i lumtur që për herë të parë këtë edicion u vlerësua si më i miri i javës.
“Për ndeshjen kundër Ferizajt jemi përgatitur shumë mirë dhe qëllimi ynë ka qenë vetëm fitorja dhe marrja e 3 pikëve. Nuk kemi pasur si synim as lojën e bukur, as të dalim nga detyrat tona. Trajneri na e ka bërë të qartë që duhet të luftojmë vetëm për tri pikë.
Për Gjilanin, angazhimi dhe shpërblimi janë trofetë gjithsesi, sepse kemi një fond shumë të mirë lojtarësh dhe konkurrenca është e madhe dhe e shëndoshë.
E falënderoj FFK-në për çmimin e dhënë dhe këtë çmim ia dedikoj bashkëlojtarëve për angazhimin dhe mundin e treguar, sepse edhe ata janë pjesë e këtij çmimi.”
