Ish-kryetari i Gjilanit, Qemajl Mustafa përkrah projektin për “Bulevardin e Qytetit”
Projekt fort i rëndësishëm për Gjilanin me rrethinë, studimi i fizibilitetit i të cilit është kryer diku herët në vitin 2012 nga një ekip profesionistësh të BE-së.
Në kuadër të ekipit, në cilësinë e këshillëdhënësit por edhe asistentit e përkthyesit ishte Gëzim Tosuni, (profesor në UKZ dhe UP) dhe tani anëtar i BORD-it në KOSTT, ka shkruar Qemajl Mustafa në faqen e tij në fb.
“Më kujtohet një detal kur udhehëqesi i ekipës (një aziatik, me gjasë indian, i urtë e shumë punëtor) tha “me duart tona i kemi hapur mbi 4000 puseta për me i matur dimensionet e tyre dhe rrjedhshmërinë neper to…”, ka shtuar z. Mustafa.
Ai ka kujtuar që atëbotë ishin tre skenarë të mundshëm për realizim: njëri në vlerë prej rreth 19 mil. euro, tjetri rreth 24 mil. euro dhe një tjetër skenar që ishte me gjithëpërfshirës, ndërsa vlera e tij ishte rreth 30 mil. euro.
“Fjala ishte për vendosjen e rrjetit të ri të kolektorëve, (tubacioneve), për ujërat fekale të qytetit dhe tubacionet kryesore nga qyteti, nëpër Malishevë e deri te fabrika, (impianti), për trajtimin e ujit fekal pranë lumit Morava në Uglar”, ka nënvizuar më tej ai, duke theksuar se ai dokument ishte rreth 70% i detajuar dhe thuajse ishte projekt ekzekutues.
“Më vjen keq që është zvarritur kaq shume si rezultat i burokracisë qe ekziston brenda mekanizmave te BE-së por edhe nga bllokadat afatgjata në Kuvendin e Kosovës për (mos)miratimin e marrëveshjeve financiare ndërkombëtare!”, ka shtuar Mustafa.
“Qoftë kjo e shkuar. Sot, po më vjen forte mirë që ky projekt i jashtëzakonshëm për komunën tonë (për qytetin dhe fshatrat përreth) po nis e po jetësohet”, ka potencuar më tej ish kryetari Mustafa, duke vënë theksin tek zvarritjet dhe plot probleme tjera që e kanë karakterizuar, duke vlerësuar poashtu se edhe autostrada do të kryhet, sa më shpejtë.
“Zhvillimi ky është. Ka vend për shumë kritikë por, gjërat po ndodhin nga një mandat qeverisës në tjetrin pa dallim e po realizohen megjithatë”, ka përfunaur z. Mustafa.
