Haziri: Kosova po rrezikon të futet në një ‘gropë të zezë’ institucionale
Deputeti i LDK-së, Lutfi Haziri, ka komentuar situatën politike para seancës konstituive, duke theksuar se vendimet politike nuk mund të zëvendësohen me ato gjyqësore.
Ai shtoi se vendi ndodhet në një ngërç serioz dhe kërkoi ndërtimin e një marrëveshjeje politike që do të mundësonte zgjedhjen e organeve institucionale.
“Po shfrytëzohet e drejta për propozim. Nuk kemi kurgjë të re, duke shfrytëzuar të drejtën për propozim e zbatojmë vendimin e Gjykatës. Duhet me konfirmu që vendimet politike nuk i zgjidhin gjykatat, sepse po shihet e pamjaftueshme që me shfrytëzu të drejtën e propozimit pa e siguru votën. Është pozicion i shkurtë politik. Uroj që me kalu këtë kulminacion politik partia e parë dhe me ndërtu një marrëveshje e cila i garanton të propozuarit që mund të zgjidhet. Duhet me punu shumë që një marrëveshje politike me u bë realitet dhe me deblloku këtë ngulfatje institucionale, sepse Kosova sot nuk ka as Kuvend, as Qeveri, s’ka legjitimitet të plotë as pushteti lokal. Për disa javë apo muaj as Presidentja nuk do ta ketë funksionin. Kosova hyn në një gropë të zezë institucionale, e cila nuk mund të parashikohet.”, paralajmëroi ai.
