Në tentimin e dytë, VV-ja propozon Donika Gërvallën për kryeparlamentare – dështon edhe ajo
VV-ja në tentimin e dytë ka propozuar Donika Gërvallën për kryeparlamentare, pasi dështoi votimi për Albulena Haxhiu, e cila arriti të marrë vetëm 57 vota.
Por, partia e parë nuk arriti të marrë votat e mjaftueshme as për propozimin e dytë.
Njëjtë si Haxhiu, edhe Gërvalla mori vetëm 57 vota për.
Ka qenë hera e parë që në legjislaturën e re, si propozim për kryeparlamentar ka qenë një emër tjetër, pos ai i Albulena Haxhiut.
Ky hap vjen pas publikimit të vendimit të Gjykatës Kushtetuese, e cila urdhëroi zgjedhjen e kryeparlamentarit brenda 30 ditësh përmes votimit të hapur, duke përcaktuar se kandidati mund të votohet vetëm tri herë dhe se të gjithë deputetët duhet të marrin pjesë në votim.
