Aksident trafiku në Gjilan, humb jetën pasagjerja
Një aksident trafiku mes dy veturave ka ndodhur pasditen e së enjtes në Gjilan, përkatësisht te penda e liqenit të Livoçit, ku për pasojë një person ka humbur jetën, shkruan Zeri.info.
Sipas raportit ditor të Policisë së Kosovës, për shkak të plagëve të marra, pasagjerja e njërës prej veturave të aksidentuara nuk ka mundur t’u mbijetojë plagëve të marra dhe ka vdekur në QKUK.
Raporti i plotë i Policisë, pa ndërhyrje:
Aksident komunikacioni me fatalitet
Rr. e Prishtinës te penda e liqenit të Livoçit, Gjilan / 17.07.2025 – 16:05. Është raportuar se ka ndodhur aksident në komunikacion rrugor në mes të dy veturave udhëtarësh me targa vendore dhe drejtues meshkuj kosovarë. Si pasojë e aksidentit, lëndime trupore kanë pësuar dy drejtuesit e veturave dhe dy pasagjerë, të cilët kanë marrë ndihmë mjekësore në QE Gjilan. Për shkak të lëndimeve të rënda, drejtuesi i njërës veturë dhe pasagjerja femër kosovare janë dërguar në QKUK, ku si pasojë e plagëve të marra pasagjerja ka vdekur. Me urdhër të prokurorit, trupi i pajetë është dërguar në IML për obduksion
