Shoqatat e veteranëve kërkojnë ndalimin e koncertit të Lepa Brenës në ishullin “Krk”, paralajmërojnë protesta
Shoqatat e veteranëve nga ishulli Krk kanë shprehur publikisht pakënaqësinë e tyre për dy koncertet e Lepa Brenës të paralajmëruara këtë fundjavë në klubin “Diamond” në Malinskë, raporton Fiuman.hr.
Në një letër të hapur, ata kërkojnë ndalimin e këtyre koncerteve dhe paralajmërojnë protesta nëse kërkesa nuk merret parasysh.
“Shoqatat e veteranëve të ishullit Krk, dënojnë në mënyrë të pakompromisët paraqitjen publike të këngëtares serbe të folkut, Fahrete Jahić Živojinovic, e njohur në skenë si Lepa Brena”, thuhet në letrën e tyre.
“Gjatë kohërave të tmerrit dhe ngjarjeve tragjike gjatë luftës në Bosnje e Hercegovinë, kur luftoheshin muslimanët dhe kroatët, performuan publikisht me uniformë të forcave serbe të armatosura, të cilat digjnin, plaçkisnin, përndiqnin, si dhe okupuan qytete e fshatra, dhe sulmonin me artileri e tanke qytete kufitare në Kroaci, si Županja dhe Slavonski Brod, duke shkaktuar shumë viktima, përfshi edhe fëmijë,” vijon permbajtja e letrës.
“E dënojmë publikisht dhe kërkojmë ndalimin e koncertit”
“’Ylli’ i estradës, duke veshur uniformën e ushtrisë kriminale serbe dhe duke treguar mbështetje në vijat e frontit, ka qenë pjesëmarrëse aktive në promovimin e persekutimit, dhunimit dhe vrasjes së popullsisë jo-serbe. Të tilla persona dhe yje nuk mund t’i mbështesim. Prandaj, ne e dënojmë hapur rikthimin e saj në skenë dhe i kërkojmë institucioneve përkatëse që të ndalojnë, anulojnë dhe mos lejojnë zhvillimin e këtij eventi,” thuhet më tej në deklaratë.
“Përndryshe, nëpërmjet protesta publike dhe veprimeve të tjera të bazuara në ligj, do t’u kundërvihemi mbajtjes së kësaj tubimi publik,” paralajmërojnë ata.
Lepa Brena së fundmi kishte performuar në të njëjtin klub edhe vitin e kaluar, por atëherë nuk pati reagime të tilla. Përkujtojmë se së fundmi në Solin u anullua koncerti i Bajagës, dhe mediat lokale pretendonin se arsyeja ishin presionet e ngjashme.
