Komuna e Gjilanit, mbështet 50 bletarë të rinj me 150 koshere bletësh
Komuna e Gjilanit, realizoi me sukses projektin për mbështetjen e 50 bletarëve të rinj, duke i furnizuar secilin prej tyre me nga 3 shoqëri bletësh apo me 150 koshere.
Në ceremoni e shpërndarjes ishin edhe kryetari i Komunës së Gjilanit, Alban Hyseni, bashkë me drejtorin e Bujqësisë, Bajram Isufin.
Kryetari i Komunës së Gjilanit, Alban Hyseni, tha se janë 150 koshere bletë për 50 përfitues.
“Herën e parë shpërndamë 300 koshere pa bletë. Sivjet janë 150, por krejt të mbushura me bletë. Më pak në numër, po shumë më me vlerë. Mbështetje konkrete për bletarët tanë”, tha kryetari Hyseni.
Bajram Isufi, drejtor i Bujqësisë, tha se përkrahja për këta bletarë do të vazhdojë edhe në vitet në vijim, me qëllim që ata të forcohen profesionalisht dhe ekonomikisht si bletar të suksesshëm dhe të qëndrueshëm.
Më tej drejtori Isufi, theksoi se ky projekt shënon një hap të rëndësishëm drejt zhvillimit të sektorit të bletarisë në rajon, me synimin për të nxitur një bujqësi të qëndrueshme dhe rritjen e të ardhurave për familjet e fermerëve.
