Nexhat Buzuku – Intelektuali duhet të jetë model frymëzimi e guximi dhe jo zë i heshtur
Intelektuali duhet të jetë model frymëzimi e guximi dhe jo zë i heshtur.
Nga: Nexhat Buzuku
“Nuk do të bësh asgjë në ketë botë pa guxim. Është cilësia më e lartë e mendjes krahas nderit”, thoshte Aristoteli.
Njerëzit gjithnjë e më pak po flasin!
Nuk ka zë kritik.
Nuk ka reagime kritike e argumentuese ndaj ligësive e manipulimit me të vërtetën!
Nuk ka zë!
Qoftë një ese.
Një fragment.
Një pyetje.
Ka heshtje!
Po t’i shikosh në profile dalin të jenë me tituj të ndryshëm shkence.
Mirëpo, nuk po manifestohet ekuivalenca mes letrave në njërën anë, dhe e guximit e dijës në anën tjetër.
Duhet të flasësh vetë, sepse nëse ti nuk flet të tjerët flasin në emrin tënd.
I keni dëgjuar si flasin: “Unë mendoj se krejt qytetarët janë për këtë e janë për atë…”, etj, etj.
Ose: “Edhe unë mendoj sikur ai, sikur ata; qysh të thonë të tjerët them edhe unë…”
Njeriu është një individum që duhet të udhëhiqet nga mendja e tij, dhe jo të ec me kokën e dikujt tjetër.
E kam theksuar në një rast, por po e përsëris edhe njëherë ate çfarë i tha Aristoteli një mikut të tij.
Derisa po ecnin rrugës në Athinë, Aristoteli po fliste ndërsa miku i tij pajtohej në gjithçka që fliste filozofi. Aristoteli ndaloi një çast dhe i tha: “Fol edhe ti që ta di se jemi dy dhe jo një.”
