Kamenicë: Drejtoresha Leka nënshkruan marrëveshjen e re të bashkëpunimit me APRK-në
Drejtoresha e Zhvillimit Ekonomik dhe Diasporës, Burbuqe Leka, ka nënshkruar marrëveshje me drejtoreshën Jehona Rexha nga APRK.
Sipas drejtoreshës Leka kjo marrëveshje përfshin aftësim profesional për të rinjtë, trajnime të certifikuara dhe të njohura ndërkombëtarisht, duke krijuar mundësi reale për zhvillim personal dhe profesional.
“Gjithashtu u dakorduam për vazhdimin e programit të praktikës me pagesë për të rinjtë, ndërsa thirrja publike veç se është e hapur. Bashkëpunimi ynë me APRK-në ka vazhduar tashmë për dy vite me projekte të suksesshme, dhe me këtë marrëveshje të re, synojmë ta forcojmë edhe më shumë këtë partneritet në shërbim të të rinjve dhe zhvillimit të tyre profesional”, ka thënë ajo.
