Haziri: Autostrada e Gjilanit e braktisur, vetëm rojet në kantier, mungon çdo mjet pune
Nënkryetari i Lidhjes Demokratike të Kosovës (LDK) dhe njëherësh kryetar i degës së kësaj partie në Gjilan, ka reaguar ashpër ndaj gjendjes së krijuar në kantierin e Autostradës së Gjilanit, duke e cilësuar situatën si shembull të qartë të braktisjes institucionale dhe papërgjegjësisë qeveritare.
Në një postim në rrjete sociale, ai ka shkruar se asnjë mjet pune nuk është në terren dhe se në vendpunishte kanë mbetur vetëm rojet.
“Heshtje, papërgjegjësi dhe braktisje. Kantieri që duhej të ishte shpresë për qytetarët, sot është vetëm një simbol i dështimit. Vetëm rojet janë aty. Kosova sot nuk ka as Qeveri që punon, as Kuvend që funksionon,” ka theksuar ai.
Sipas tij, përpjekjet e kryeministrit për të fajësuar Kuvendin për mungesën e rezultateve janë të paarsyeshme, pasi “realiteti në terren është edhe më i zymtë.”
E kandidati i nominuar për kryetar nga dega e LDK-së ne Gjilan, Arbër Ismajli, ka thënë se me këtë dinamikë të punimeve, autostrada nuk do të përfundohet asnjëherë.
“Unë shpresoj dhe besoj shumë që këta njerëztë papunë shkojnë prej qeverisë”.
