Del tymi i bardhë në Vatikan, Papa i ri në ditën e dytë të Konklavit
Me tym të bardhë që del në Vatikan, është e qartë se procesi i votimit ka përfunduar dhe kardinalët kanë zgjedhur një pasardhës të Papa Françeskut.
Papa i ri quhet Leo XIV.
Papa i ri i Kishës Katolike është nga Shtetet e Bashkuara të Amerikës, për herë të parë në histori. Papa Françesku ka qenë nga Amerika Latine. Papa i ri është kardinali i deritanishëm Robert Francis Prevost.
Emri i tij si Papë do të jetë : Leo XIV.
Papa i ri është relativisht i ri në moshë me vetëm 69 vjeç. Ai është nga Amerika Veriore, por në familjen e tij ka paraardhës francezë, spanjollë dhe italianë!
Ai ka lindur në Çikago me 14 shtator 1955, dhe ka studiuar matematikë, para se të fillojë shërbimin në Kishë. Por ai ka shërbyer shumë gjatë edhe në Amerikën Latine, më konkretisht në Peru. Prej Perusë ka kaluar më pas në Romë.
Në kohën e Papa Françeskut ka drejtuar autoritetet në Vatikan, e dy vitet e fundit ka qenë i ngarkuar edhe me emërimin e peshkopëve në mbarë botën. Ky fakt dhe kontaktet me peshkopët nga mbarë bota e ka bërë ate që të jetë shumë i njohur gjithandej.
Papa Leo XIV foli para mijëra besimtarëve në Vatikan. Fjalët e para ishin – paqa qoftë me të gjithë ju!. Më pas foli për përkushtimin ndaj Zotit, foli për “rëndësinë e Kishës që gjithmonë është në shërbim të paqes”, foli për “rëndësinë e paqës dhe kujdesin për të varfërit”, si dhe “ndërtimin e urave dhe dialogun mes popujve”.
Papa i ri fillimisht foli në italisht, e më pas edhe në gjuhën spanjolle.
Papa i ri është zgjedhur vetëm 24 orë pas fillimit të Konklavës, pas vetëm katër votimeve të 133 kardinalëve, që konsiderohet si sukses dhe zgjedhje e shpejtë.
Urime të gjithë besimtarëve të festë katolike!
