Mbahet testi me shkrim i kandidatëve për bashkëpunëtorë profesionalë
Prishtinë, 04 maj 2025 – Këshilli Gjyqësor i Kosovës (KGJK) ka organizuar testin me shkrim, në kuadër të procesit të rekrutimit për 37 pozita të bashkëpunëtorëve profesionalë në gjykatat e Republikës së Kosovës
Në këtë fazë të rekrutimit po marrin pjesë 114 kandidatë, prej të cilëve 82 janë femra dhe 32janë meshkuj, ndërsa një nga ta është përfaqësues i komunitetit serb.
Komisioni për Rekrutim i Këshillit Gjyqësor të Kosovës ka mbikëqyrë zhvillimin e testit me shkrim, duke siguruar që ky proces të jetë i drejtë dhe transparent.
Testi me shkrim për rekrutimin e bashkëpunëtorëve profesionalë është një nga fazat e procesit të testimit të përgjithshëm, të cilin KGJK e menaxhon sipas standardeve më të avancuara.
