Dita e ndeshjeve kthyese çerekfinale, dy përballje të zjarrta në Ligën e Kampionëve
Sot (e mërkurë) janë në program për t’u zhvilluar dy ndeshjet kthyese çerekfinale të Ligës së Kampionëve, ku katër skuadra kërkojnë dy vende në fazën gjysmëfinale.
Gjatë mbrëmjes së martë, Barcelona dhe Paris Saint-Germain konfirmuan vendin e tyre në gjysmëfinale, duke eliminuar Borussia Dortmundin, respektivisht Aston Villan.
Sot do të mësohen emrat e dy ekipeve tjera që do t’i bashkohen në gjysmëfinale, në dy ndeshje të zjarrta që pritet të zhvillohen nga ora 21:00.
Semi-finalists: Barcelona & Paris ✅#UCL pic.twitter.com/jd5G9G24XK
— UEFA Champions League (@ChampionsLeague) April 15, 2025
Ndeshja e parë është ajo në mes të Real Madridit dhe Arsenalit në ‘Santiago Bernabeu, ku Los Blancos do të synojnë nga shkrijnë disavantazhin prej 3-0 nga ndeshja e parë.
Në ndeshjen tjetër, Interi është nikoqir i Bayern Munichut në ‘Giuseppe Meazza’, me Nerazzurrët që do të synojnë ta ruajnë epërsinë prej 2-1 nga ndeshja e parë dhe të sigurojnë një vend në gjysmëfinale.
