Gjashtë raste të dhunës në familje të raportuara, tre persona dërgohen në mbajtje

Gjashtë raste të dhunës në familje janë raportuar në Policinë e Kosovës gjatë 24 orëshit të fundit.

Nga një rast është raportuar në Podujevë, Prishtinë, Rahovecë e Mitrovicë të Veriut, ndërsa dy raste në Pejë.

Lidhur me këto raste, policia ka dërguar në mbajtje tre persona.

Njoftimi i policisë:

DHUNË NË FAMILJE

· Podujevë / 23.02.2025 – 14:30. Viktima femër kosovare ka raportuar se ndihet e rrezikuar dhe po përcillet nga bashkëshorti i saj i dyshuari mashkull kosovar, me të cilin është ndarë. Palët janë intervistuar dhe me vendim të prokurorit rasti vazhdon në procedurë të rregullt.

· Prishtinë / 23.02.2025 – 20:00. Viktima mashkull kosovar ka raportuar se bashkëshortja e tij, e dyshuara femër kosovar me të cilën është në proces divorci, ka ushtruar dhunë psikologjike ndaj tij. Palët janë intervistuar dhe me vendim të prokurorit janë liruar në procedurë të rregullt.

· Pejë / 22.02.2025 – 23:30. Është arrestuar i dyshuari mashkull kosovar për shkak se kishte ushtruar dhunë ndaj bashkëshortes së tij viktimës femër kosovare. Pas inicimit të rastit i dyshuari me vendim të prokurorit është dërguar në mbajtje.

· Pejë / 23.02.2025 – 18:04. Është arrestuar i dyshuari mashkull kosovar pasi që i njëjti e ka sulmuar fizikisht bashkëshorten e tij viktimën femër shtetase e Shqipërisë të cilës i ka shkaktuar lëndime trupore. Palët janë intervistuar dhe me vendim të prokurorit i dyshuari është dërguar në mbajtje.

. Rahovec / 23.02.2025 – 13:30. Është arrestuar i dyshuari mashkull kosovar pasi i njëjti kishte sulmuar fizikisht familjarët e tij. Me vendim të prokurorit i dyshuari është dërguar në mbajtje.

. Mitrovicë Veri / 23.02.2025 – 20:15. Viktima femër kosovare ka raportuar se bashkëshorti i saj i dyshuari mashkull kosovar ka ushtruar dhunë psikike ndaj saj. Palët janë intervistuar dhe me vendim të prokurorit, viktimës i është lëshuar urdhër mbrojtës ndërsa rasti inicohet në procedurë të rregulltë.