Abdixhiku fton përkrahësit në tubimin kryesor në Prishtinë: Kushtrimi ka rënë, fitore e asgjë më pak
Kreu i LDK-së dhe kandidati për kryeministër, Lumir Abdixhiku, ka njoftuar për tubimin qëndror që partia e tij do ta mbajë sot në Prishtinë në orën 18:00 në sheshin Skënderbeu.
Abdixhiku ka ftuar të gjithë përkrahësit që të marrin pjesë në tubim.
“Fitore dhe asgjë më pak”, ka shkruar Abdixhiku.
Postimi i plotë:
Sonte, të gjitha rrugët e Kosovës na sjellin në Shesh, në tubimin më të madh elektoral në vend! Ejani, në tubimin e fundit të kësaj fushate të jashtëzakonshme, në ngjarjen që do të shënojë kthesën e madhe për Republikë.
Le të ketë festë!
Sepse kushtrimi ka rënë tashmë!
Fitore, dhe asgjë më pak!
