Është mbajtur punëtoria e dytë për RVV në Fakultetin Ekonomik për programin Master “Analiza Ekonomike dhe Politika Zhvillimore”
Në kuadër të aktiviteteve për sigurimin e cilësisë, stafi i Fakultetit Ekonomik në Universitetin Publik “Kadri Zeka” në Gjilan ka mbajtur punëtorinë e dytë për Raportin e Vetëvlerësimit (RVV) të programit Master “Analiza Ekonomike dhe Politika Zhvillimore”.
Punëtoria u fokusua në analizimin e detajuar të gjetjeve dhe përgatitjen e raportit përfundimtar të vetëvlerësimit.
Dekani i Fakultetit Ekonomik, Prof. Assoc. Dr. Xhevat Sopi, në fjalën e tij gjatë punëtorisë theksoi rëndësinë e procesit të vetëvlerësimit për përmirësimin e cilësisë së programit Master “Analiza Ekonomike dhe Politika Zhvillimore”. Ai tha se ky proces është thelbësor për të siguruar që programi ynë jo vetëm që të plotësojë standardet akademike, por edhe të reflektojë nevojat dhe kërkesat e tregut të punës. Përkushtimi ynë mbetet në avancimin e vazhdueshëm të cilësisë dhe në ofrimin e mundësive më të mira për zhvillimin profesional të studentëve tanë, tha dekani Sopi.
Stafi i Fakultetit Ekonomik shprehu përkushtimin për të siguruar që ky program të vazhdojë të ofrojë standarde të larta akademike dhe të kontribuojë në zhvillimin profesional të studentëve.
Kjo punëtori përbën një hap të rëndësishëm drejt plotësimit të kërkesave për akreditim dhe avancim të mëtutjeshëm të programit.
