I pandalshëm Edon Zhegrova – ylli kosovar gjen golin në sfidën ndaj Rennesit
Lille po luan në shtëpi ndaj Staide Rennes në kuadër të javës së 12-të në elitën e futbollit francez.
Pas 45 minutave të para janë pikërisht ata që po udhëheqin me rezultat 1-0, kjo falë golit të shënuar nga Edon Zhegrova.
Reprezentuesi kosovar u gjend mirë brenda zonës së rrezikshme në minutën e 45-të duke realizuar për 1-0 pas asistimit të Jonathan David.
Ky ishte goli i katërt i 25-vjeçarit këtë edicion me fanellën e Lille në kampionatin francez, teksa ka edhe një asistim.
Duke marrë parasysh paraqitjen e tij të mirë në pjesën e parë, nuk përjashtohet mundësia që Zhegrova të shënojë sërish edhe në të dytën.
You’re fantastic, Edon Zhegrova 🇽🇰💥 pic.twitter.com/vbGLgc3UlO
— Ligue 1 English (@Ligue1_ENG) November 24, 2024
