Kamenicë: – Mbahet aktivitet sportiv për nderë të ish-trajnerëve Selami Krasniqi dhe Xhevat Hasimi
Drejtoria për Kulturë, Rini dhe Sport në bashkëpunim me këshillin organizativ të KF “Dardana”, kanë organizuar ndeshje përkujtimore në shenjë respekti dhe nderimi për kontributin e dy ish lojtarëve dhe ish-trajnerëve të KF “Dardana” tashmë të ndjerë, z.Selami Krasniqi dhe z. Xhevat Hasimi.
Ndeshja u zhvillua ndërmjet veteranëve të klubit dhe kryesisë së tifozëve ultras “Dardanët”, të shtunën në stadiumin e qytetit “Agush Isufi”.
Drejtori Behar Hyseni duke përkujtuar punën e dy ish-trajnerëve z.Krasniqi dhe z.Hasimi, theksoi se aktivitete të tilla sportive do të mbahen sa më shumë në mënyrë që kontributi i secilit në fushën e sportit të shpërblehet.
Edhe qytetarë e sportdashës nderuan punën e ish-trajnerëve, duke qenë të pranishëm në këtë ndeshje për të duartrokitur ekipet në fushë.
