Qendra Kulturore Artistike “Mollëkuqet” do ta përfaqësojë Kosovës në festivalin “The Ottoman Dream”, në Stamboll, nga sot deri 28 Tetor

Arta Haziri, drejtoresh e Festivalit “Rissing Star’s”, ka njoftuar se Qendra Kulturore Artistike “Mollëkuqet”, do ta përfaqësojë me Republikën e Kosovës në festivalin ndërkombëtar “The Ottoman Dream”, që do të mbahet në Stamboll, Turqi në datat 24-28 Tetor, 2024.

Ajo do të jetë pjesë e jurisë profesionale të Festivalit. Ndonëse nuk mund të votojë për vendin e saj, pasi ashtu janë rregullat e festivaleve ndërkombëtare, drejtoresha do të jetë përkrahja më e madhe e talentëve nga delegacioni i Kosovës e Shqipërisë, duke i dhënë këshilla të shumta profesionale.

Në festival, do të jenë pjesëmarrës Ilda Nuhiu, Elena Popova nga Bullgaria e cila fitoi ftesën me pjesëmarrje falas në edicionin e 7-të të Festivalit “Rising Stars”, Teuta Statovci e cila në edicionin e 7-të të Festivalit tonë “Rising Stars” “rrëmbeu” ftesë me zbritje po për këtë festival, me mësuese Albana Tushe Curo iu dha mundësia që të jenë pjesë e “The Ottoman Dream”; Renco Hoxhaj, Jorisa Bushi e Levio Dibrano nga Shqipëria, e nga Shkolla “Melody”, do të performojnë Alena Xhota Ernest Gerbeshi, Elsa Gerbeshi dhe Kanina Arifi, të pergaditur nga mësimdhënsja Flaka Baliu, do ta përfaqësojnë Kosovën .

Ky event prestigjioz synon të promovojë trashëgiminë kulturore dhe artistike të vendeve pjesëmarrëse.

“Ne jemi të sigurt se prezenca jonë do të sjellë vlera dhe do të forcojë lidhjet kulturore mes kombit tonë dhe vendeve të tjera. Faleminderit drejtorit të Festivalit “The Ottoman Dream” Tolga Gurdill për mundësinë. Mezi presim të shkëlqejmë në festival! Ju faleminderit për mbështetjen tuaj! – Sinqerisht, Qendra Kulturore Artistike “Mollëkuqet””, ka shkruar Arta Haziri Nuhiu.