Modric feston ditëlindjën e 39-të me një super gol të realizuar ndaj Polonisë
Thyerja e rekordeve nuk është diçka e re për veteranin e Real Madridit, Luka Modric, i cili po vazhdon të habisë me paraqitjet e tij.
Qëndrimi i kroatit në Madrid dhe rinovimi i kontratës edhe për një vit bëri që ai të bëhet kapiteni i parë i ekipit dhe të mbetet pika e fokusit në ekipin e Carlo Ancelottit.
Përkundër faktit se nuk luan gjithmonë nga minuta e parë, eksperienca e tij është ende e nevojshme dhe ai në çdo rast po dëshmon pse është një lider për Kroacinë,
Modric së fundmi kishte pranuar se qëllimi i tij është që të luajë në Botërorin e vitit 2026 në rast se qëndron i shëndetshëm dhe luan ende në një nivel të lartë.
WHAT A GOAL, LUKA MODRIĆ 💪🤯🔥 pic.twitter.com/o0rjAY42IM
— Madrid Zone (@theMadridZone) September 8, 2024
Teksa po përgatitet që të festojë ditëlindjen e tij të 39-të nesër (e hënë), ai shënoi një super gol nga gjuajtja e lirë, për t’i dhënë Kroacisë fitoren e parë në Ligën e Kombeve me rezultat 1-0 ndaj Polonisë.
Ky takim i cili u zhvillua në Osijek ishte i 180-ti për Kroacinë, duke e bërë atë lojtarin e dytë evropian me më së shumti paraqitje, menjëherë pas ish-bashkëlojtarit të tij Cristiano Ronaldo që ka 214 sosh.
Luka modric what a goal 🥶pic.twitter.com/fY02CfFdVn
— أحمد 𓂆 🇵🇸 (@amd_851) September 8, 2024
