Aris Pharm” skuadra që “rrëmbeu” vendin e parë në turneun e futbollit të vogël “2 Korriku” në Beguncë të Vitisë
Në Beguncë të Vitisë është zhvilluar ndeshja finale e turneut në futboll të vogël, organizuar në kuadër të manifestimit kulturo-sportiv “2 korriku”, dhe atë në mes të ekipeve të futbollit “Aris Pharm”, “Gentriti Beton & Urimi Plast”. Fitues i ndeshjes ishte “Aris Pharm” me rezultat 4:3.
Me një fjalë rasti të pranishmit iu drejtua kryetari i komunës së Vitisë, Sokol Haliti i cili ka folur edhe mbi rëndësinë e këtij turniri që mbahet për çdo vit në Beguncë, për nderë të deklaratës Kushtetuese të 2 Korrikut (1990), të cilën e patën miratuar delegatët e dikurshëm të Kuvendit të Kosovës.
“Sot e 34 vite më parë, pikërisht më 2 Korrik të vitit 1990, Deputetët e atëhershëm të Kuvendit të Kosovës, ndërmorën nismën për formësimin e shtetësisë së Kosovës, me ç ‘rast, miratuan Deklaratën Kushtetuese të pavarësisë së Kosovës, e njohur si Deklarata e “2 Korrikut”. Kjo datë shumë e rëndësishme për formimin e shtetit tonë, na ka tubuar edhe sot në këtë manifestim, për të kujtuar dhe nderuar atë moment historik në rrugëtimin e Kosovës drejt lirisë dhe pavarësisë”, u shpreh kryetari Haliti.
Aktivitetet për nderë të 2 korrikut janë mbajtur nën mbështetjen e kryetarit të komunës së Vitisë, Sokol Hlaiti, pasi që me statutin e Komunës së Vitisë, “2 Korriku” është festë publike, e cila shënohet me aktivitete të ndryshme sportive në këtë komunë.
Kurse gjatë kësaj dite janë zhvilluar edhe shumë aktivitete të tjera kulturo-sportive, kurse për nder të 4 korrikut – Ditës së Shpalljes së Pavarësisë së Amerikës u zhvillua edhe një ndeshje miqësore ku kanë marrë pjesë pjesëtare të KFOR-it, Amerikan.
Gjithashtu kryetari Haliti ka ndarë edhe dy dekorata, një për artistën e njohur si bilbili i Kosovës, Shkurte Fejza dhe një për KFOR-in amerikan.
