![Trump shpallet fajtor për falsifikim të të dhënave të biznesit](https://tvgjilani.com/wp-content/uploads/2024/05/trump-850x514.png)
Trump shpallet fajtor për falsifikim të të dhënave të biznesit
Donald Trump është shpallur fajtor për falsifikimin e të dhënave biznesore të kompanisë, duke u bërë ish-presidenti i parë amerikan që dënohet për vepër penale.
![](https://tvgjilani.com/wp-content/uploads/2024/04/vali-ranch-2.jpg)
Pas diskutimeve dyditore, 12 anëtarët e jurisë e shpallën fajtor Trumpin për të gjitha 34 akuzat me të cilat ngarkohej.
LEXO EDHE:
Për të arritur një aktgjykim, nevojitej njëzëshmëri mes anëtarëve të jurisë.
Trump, 77 vjeç, i ka mohuar akuzat dhe pritet të ankohet ndaj vendimit.
Trumpi akuzohej se kishte falsifikuar të dhënat për të fshehur rimbursimet që ia kishte bërë avokatit të tij, Michael Cohen, i cili i ka paguar aktores së pornografisë, Stormy Daniels, 130 mijë dollarë në fushatën presidenciale të 2016-s, në këmbim që ajo të mos e paraqiste publikisht pretendimin se me Trumpin ka pasur marrëdhënie seksuale një dekadë më herët.
![](https://tvgjilani.com/wp-content/uploads/2023/11/libertas2.jpg)